Ils 22 d’october: Sogn Gion Cantius, confessur. pdf: cheu l’entira historia Ils 22 d’october: Sogn Gion Cantius, confessur Sogn Gion Cantius ei naschius igl onn 1390 a Kenz egl uestgiu da Cracau ord …Daplü
Ils 22 d’october: Sogn Gion Cantius, confessur.
pdf: cheu l’entira historia
Ils 22 d’october: Sogn Gion Cantius, confessur
Sogn Gion Cantius ei naschius igl onn 1390 a Kenz egl uestgiu da Cracau ord buna casa. Ils geniturs lain studegiar lur talentus fegl a Cracau filosofia e teologia. Quels studis siara il giuven giu cul tetel da docter e daventa professer da quella academia.
Silsuenter retscheiva Gion ils sogns uordens e daventa augsegner. La sontga messa celebrava el di per di cun larmas els egls e rugava pil pievel che stridava Diu. Suenter haver giu pastorau entgins onns ina pleiv, tuorna Gion puspei anavos a Cracau sco professer. El temps liber suenter scola va il premurau augsegner a perdegar per saver promover il salit dallas olmas. Meinsvart ei il sogn vegnius honoraus cun visiuns celestialas, cunzun tier il meditar la passiun ed il marteri da Jesus Cristus. Per aunc meglier saver seregurdar digl endirar e pitir da Jesus, va Gion a Gerusalem. Leu viseta el devoziusamein ils loghens sogns e tut anetg vegn el pigliaus dil desideri dad era esser marterisaus. Per vegnir tier quella caschun perdegava el il plaid da Diu avon ils tirans. La providientscha divina ha denton vuliu auter e schau turnar Gion saunamein a casa. Ussa pelegrinescha el aunc quater ga a Ruma e quei per saver far penetienzia e per dar honur al papa. Quei ch’il sogn odiava il pli fetg, fuva il dar la bucca dil proxim. Perquei veva el scret tenor igl exempel da sogn Augustin vid la preid ils plaids: Quel che plaida encunter la honur da quels ch’ein buca presents, quel duei era buca esser presents vid mia meisa. Enviers ils paupers semussava il sogn adina fetg humiliteivels e deva perfin naven calzers e caltscheuls ch’el purtava vid ils peis. Sogn Gion ei era staus cun sesez fetg rigurus ed ha ils davos 35 onns da sia veta fatg totala abstinenza cun magliar negina carn. Finalmein en ses vegls onns e pleins da merets, ha el sentiu che la mort fuva damaneivel. El retscheiva ils sogns Sacraments dils moribunds e si’olma sgola la vigelgia da Nadal enta parvis. Siu davos ruaus ha sogn Gion anflau en la baselgia da sontga Onna. Muort las miraclas daventadas avon e suenter la mort, ei sogn Gion vegnius tschentaus denter ils emprems sogns patruns dalla Pologna e Lituania e quei igl onn 1767 entras papa Clemens XIII.
pdf: cheu l’entira historia
Ils 22 d’october: Sogn Gion Cantius, confessur
Sogn Gion Cantius ei naschius igl onn 1390 a Kenz egl uestgiu da Cracau ord buna casa. Ils geniturs lain studegiar lur talentus fegl a Cracau filosofia e teologia. Quels studis siara il giuven giu cul tetel da docter e daventa professer da quella academia.
Silsuenter retscheiva Gion ils sogns uordens e daventa augsegner. La sontga messa celebrava el di per di cun larmas els egls e rugava pil pievel che stridava Diu. Suenter haver giu pastorau entgins onns ina pleiv, tuorna Gion puspei anavos a Cracau sco professer. El temps liber suenter scola va il premurau augsegner a perdegar per saver promover il salit dallas olmas. Meinsvart ei il sogn vegnius honoraus cun visiuns celestialas, cunzun tier il meditar la passiun ed il marteri da Jesus Cristus. Per aunc meglier saver seregurdar digl endirar e pitir da Jesus, va Gion a Gerusalem. Leu viseta el devoziusamein ils loghens sogns e tut anetg vegn el pigliaus dil desideri dad era esser marterisaus. Per vegnir tier quella caschun perdegava el il plaid da Diu avon ils tirans. La providientscha divina ha denton vuliu auter e schau turnar Gion saunamein a casa. Ussa pelegrinescha el aunc quater ga a Ruma e quei per saver far penetienzia e per dar honur al papa. Quei ch’il sogn odiava il pli fetg, fuva il dar la bucca dil proxim. Perquei veva el scret tenor igl exempel da sogn Augustin vid la preid ils plaids: Quel che plaida encunter la honur da quels ch’ein buca presents, quel duei era buca esser presents vid mia meisa. Enviers ils paupers semussava il sogn adina fetg humiliteivels e deva perfin naven calzers e caltscheuls ch’el purtava vid ils peis. Sogn Gion ei era staus cun sesez fetg rigurus ed ha ils davos 35 onns da sia veta fatg totala abstinenza cun magliar negina carn. Finalmein en ses vegls onns e pleins da merets, ha el sentiu che la mort fuva damaneivel. El retscheiva ils sogns Sacraments dils moribunds e si’olma sgola la vigelgia da Nadal enta parvis. Siu davos ruaus ha sogn Gion anflau en la baselgia da sontga Onna. Muort las miraclas daventadas avon e suenter la mort, ei sogn Gion vegnius tschentaus denter ils emprems sogns patruns dalla Pologna e Lituania e quei igl onn 1767 entras papa Clemens XIII.
